تحقیق مقاله حیدر بابایا سلام

تعداد صفحات: 17 فرمت فایل: مشخص نشده کد فایل: 21536
سال: مشخص نشده مقطع: مشخص نشده دسته بندی: ادبیات فارسی
قیمت قدیم:۸,۵۰۰ تومان
قیمت: ۶,۰۰۰ تومان
دانلود مقاله
کلمات کلیدی: N/A
  • خلاصه
  • فهرست و منابع
  • خلاصه تحقیق مقاله حیدر بابایا سلام

     

    حیدربابا ، ایلدیریملار شاخاندا
    سئللر ، سولار ، شاققیلدییوب آخاندا
    قیزلار اوْنا صف باغلییوب باخاندا
    سلام اولسون شوْکتوْزه ، ائلوْزه !
    منیم دا بیر آدیم گلسین دیلوْزه
    (٢)
    حیدربابا ، کهلیک لروْن اوچاندا
    کوْل دیبینَّن دوْشان قالخوب ، قاچاندا
    باخچالارون چیچکلنوْب ، آچاندا
    بیزدن ده بیر موْمکوْن اوْلسا یاد ائله
    آچیلمیان اوْرکلرى شاد ائله
    (٣)
    بایرام یئلى چارداخلارى ییخاندا
    نوْروز گوْلى ، قارچیچکى ، چیخاندا
    آغ بولوتلار کؤینکلرین سیخاندا
    بیزدن ده بیر یاد ائلییه ن ساغ اوْلسون
    دردلریمیز قوْى دیّکلسین ، داغ اوْلسون
    (٤)
    حیدربابا ، گوْن دالووى داغلاسین !
    اوْزوْن گوْلسوْن ، بولاخلارون آغلاسین !
    اوشاخلارون بیر دسته گوْل باغلاسین !
    یئل گلنده ، وئر گتیرسین بویانا
    بلکه منیم یاتمیش بختیم اوْیانا
      (٥)
    حیدربابا ،‌ سنوْن اوْزوْن آغ اوْلسون !
    دؤرت بیر یانون بولاغ اوْلسون باغ اوْلسون !
    بیزدن سوْرا سنوْن باشون ساغ اوْلسون !
    دوْنیا قضوْ-قدر ، اؤلوْم-ایتیمدى
    دوْنیا بوْیى اوْغولسوزدى ، یئتیمدى
    (٦)
    حیدربابا ، یوْلوم سنَّن کج اوْلدى
    عؤمروْم کئچدى ، گلممه دیم ، گئج اوْلدى
    هئچ بیلمه دیم گؤزللروْن نئج اوْلدى
    بیلمزیدیم دؤنگه لر وار ،‌ دؤنوْم وار
    ایتگین لیک وار ، آیریلیق وار ، اوْلوْم وار
    (٧)
    حیدربابا ، ایگیت اَمَک ایتیرمز
    عؤموْر کئچر ، افسوس بَرَه بیتیرمز
    نامرد اوْلان عؤمرى باشا یئتیرمز
    بیزد ، واللاه ، اونوتماریق سیزلرى
    گؤرنمسک حلال ائدوْن بیزلرى
    (٨)
    حیدربابا ، میراژدر سَسلننده
    کَند ایچینه سسدن - کوْیدن دوْشنده
    عاشیق رستم سازین دیللندیرنده
    یادوندادى نه هؤلَسَک قاچاردیم
    قوشلار تکین قاناد آچیب اوچاردیم
     (٩)
    شنگیل آوا یوردى ، عاشیق آلماسى
    گاهدان گئدوب ، اوْردا قوْناق قالماسى
    داش آتماسى ، آلما ،‌ هیوا سالماسى
    قالیب شیرین یوخى کیمین یادیمدا
    اثر قویوب روحومدا ، هر زادیمدا
    (١٠)
    حیدربابا ، قورى گؤلوْن قازلارى
    گدیکلرین سازاخ چالان سازلارى
    کَت کؤشنین پاییزلارى ، یازلارى
    بیر سینما پرده سى دیر گؤزوْمده
    تک اوْتوروب ، سئیر ائده رم اؤزوْمده
    (١١)
    حیدربابا ،‌ قره چمن جاداسى
    چْووشلارین گَلَر سسى ، صداسى
    کربلیا گئدنلرین قاداسى
    دوْشسون بو آج یوْلسوزلارین گؤزوْنه
    تمدّونون اویدوخ یالان سؤزوْنه
    (١٢)
    حیدربابا ، شیطان بیزى آزدیریب
    محبتى اوْرکلردن قازدیریب
    قره گوْنوْن سرنوشتین یازدیریب
    سالیب خلقى بیر-بیرینن جانینا
    باریشیغى بلشدیریب قانینا
    (١٣)
    گؤز یاشینا باخان اوْلسا ، قان آخماز
    انسان اوْلان بئلینه تاخماز
    آمما حئییف کوْر توتدوغون بوراخماز
    بهشتیمیز جهنّم اوْلماقدادیر !
    ذى حجّه میز محرّم اوْلماقدادیر !
    (١٤)
    خزان یئلى یارپاخلارى تؤکنده
    بولوت داغدان یئنیب ، کنده چؤکنده
    شیخ الاسلام گؤزل سسین چکنده
    نیسگیللى سؤز اوْرکلره دَیَردى
    آغاشلار دا آللاها باش اَیَردى
  • فهرست و منابع تحقیق مقاله حیدر بابایا سلام

    فهرست:

    ندارد.
     

    منبع:

    ندارد.

تحقیق در مورد تحقیق مقاله حیدر بابایا سلام, مقاله در مورد تحقیق مقاله حیدر بابایا سلام, تحقیق دانشجویی در مورد تحقیق مقاله حیدر بابایا سلام, مقاله دانشجویی در مورد تحقیق مقاله حیدر بابایا سلام, تحقیق درباره تحقیق مقاله حیدر بابایا سلام, مقاله درباره تحقیق مقاله حیدر بابایا سلام, تحقیقات دانش آموزی در مورد تحقیق مقاله حیدر بابایا سلام, مقالات دانش آموزی در مورد تحقیق مقاله حیدر بابایا سلام ، موضوع انشا در مورد تحقیق مقاله حیدر بابایا سلام
ثبت سفارش
عنوان محصول
قیمت